NAN Apo ai Chios wadai isnan santo ai mimi saana: kuminekcha nan amin ai taku, mokötai nan Chios wadai isna.

Nan kali nan topekko, ya nan simmek nan posok enlinalinawa isnan kawakawakas Sika, O Apo nan Fikasko, ya nan umisalakam. Ps. xix, 14, 15.

Advent

Infavfawikayu tai nan fatawa id chaia ya asop. St. Matt. iii, 2.

Christmas

Ilainyu nan afong nan Chios ya wadai isnan taku, ya Sia atmikitötöö ken chaicha, ya attakuna chaicha, ya nan Chios kannai atintötöö ken chaicha, ya Sia nan Chioscha. Rev. xxi. 3.

Epiphany

Milapo isnan falaan nan akiu enkanas nan lumnekkan nan akiu nan Ngatsanko ya atngomato isnan taku, ya ulaientona insenso atmaichauchau isnan Ngatsanko, yanan apapokau ai maichauchau; mokötai nan Ngatsanko atngomato isnan taku, kanan nan Apo ai Chios. Mal. i, 12.

Good Friday

Aikö maid kotokna, ken chakayu amin ai lumaus? Ilainyu, mo wadai ensösögang kag isnan ensösögangak, ai inmat ken Saken, ai nangipasösögangan nan Apo ken Saken. Lam. i, 12. Easter

Mo saia nikifalakayu ken Kristo anapenyu nan nentongcho, ai tomotokchoan nan si Kristo, isnan awan nan Chios. Col. iii, i.

Ascension

Si Kristo igai sinumköp isnan afong ai nasantoan, ai nakaeb isnan lima, ai tinagtaku nan titewa; naimötachi si Kristo ya sinumköp id chaia kannai, ta enpaila isnan sasakangen nan Chios mokötai ken chataku. Heb. ix. 24.

Whitsun-Day

Mokötai chakayu ya ananakkayu, nan Chios ya finaana nan Espiriton nan Anakna isnan posoyu, ai kanana Abba, Ama. Gal. iv. 6.

Nan Espirito ya nan Inmafong kanancha, Umalika. Ya nan manngö kanana, Umalika. Ya nan nawiu, umali. Ya nan ulaisino ai menlaiad, alaena nan chanum isnan lengag ai adi kalakuan. Rev. xxii, 17.

Trinity

Santo, santo, santo, nan Apo ai Chios; nan amin ai la wag ya napno isnan gloriana. Isaiah vi, 3.

General

Mo nan ngaag ai taku ya pakaanena nan ngaag, ai inangnena, ya angnena nan usto ya ka wie, attakuena nan lengagna ai matataku. Ezek. xviii, 2.

Ivfakak nan fasolko; ya nan fasolko ya intötöö isnan saeakangek. Ps. li, 3.

Piskienyu nan poeoyu, ya adi nan fachoyu, ya umoikayu isnan Apo ai Chiosyu; mokötai Sia ya chasumogang, ya adi sumonget kannai, ya chadlus uyaan, ya ensösögang isnan lawa. Joel ii, 13.

Mo kanantaku ai maid fasoltaku, enöngagtaku, ya maid nan titewa ken chataku; naimötachi mo ivfakataku nan fasoltaku, nan Chios ya titewa ya usto, ai kaanena nan fasoltaku, ya wasana amin nan ngaag ken chataku. 1 St. John i, 8. 9.

IVFAKATAKU nan fasoltaku isnan Chios ai mavfalina amin.

KONFESION

AMA ai mavfalinmo amin, ya chaka sumogang; nisawakami isnan chalanmo kag nadchungau ai kalnelo. Chachama ai inangnenmi nan nilaiad nan posomi. Igaimi inavfolot nan santo ai filinmo. Igaimi inangnen nan nakwani aj angnemni, ya inangnenmi nan nakwani ai adimi angnen, ya maid kawis ken chakami. Naimötachi Sika, O Apo, sumögangka ken chakami, tai ngaagkami. Takuwem nan tosacha, O Chios, nan mangivfaka isnan fasolcha. Ittolim nan tosacha, ai infavfawi, kag isnan kinwanim isnan taku, isnan Jesu Kristo nan Apomi. Ya sumokangka ken chakami, O Ama, isnan lakunan Jesu Kristo, ta atmatatakukami kag isnan Chios, kawis ya usto ai lengag, isnan gloria nan santo ai Ngatsanmo. Amen.

ABSOLUSION

CHIOS, ai mavfalina amin, ai Aman nan Apotaku, Jesu Kristo, ai adina laichin nan ötöi nan finmasol, naimb'tachi laichina ta pakaanena nan fasolna ya mataku, inchauchauna nan fikas ya filin isnan pachina, ta ivfakacha isnan takuna, ai infafawi nan mangaan isnan fasolcha. Sia pakawanena ya palofosena nan amin ai infafawi ai titewa, ya nan mangafolot isnan santo ai Evanheliona. Ya siasa ilutlutantaku Sia ta ichauchauna ken chataku nan titewa ai fafawi, ya nan Santo ai Espiritona, ta mo laichina nan angnentaku adwani; ya nan anongus nan lengagtaku ta atpumokau ya santo; ta isnan anungos atumalitaku isnan laiadna ai maid kisadtana; isnan Jesu Kristo nan Apotaku. Amen.

NAN KAPYA NAN APOTAKU

AMAMI, ai wadaika id Chaia: Maingilin nan
Ngatsanmo
Umalika isnan Fatawam
Isogangmo nan Nimnimmo, isnan ka Lota
kag id Chaia
Nan kanenmi isnan kawakawakas isnan akiu ainai
umagtanka ken chakami
Ya kaanim nan kawatmi ken chakami, Kag ken
chakami ai kaartenmi nan makawat ken chakami
Adika umifuig ken chakami isnan mangitpeng
ai umiangnen ken chakami is ngaag
Naimotachi umisalaka isnan lawa
Mokötai kwam nan Fatawa, ya nan Fikas ya
nan Gloria
Isnan katawetawen
Amen.

Pachi. O Apo, takangem nan sofilmi.
Taku. Ya nan topekmi ativfakacha nan gloriam.

Pachi. Gloria isnan Ama ya isnan Anak, ya isnan Santo ai Espirito;
Taku. Kag isnan nilapwana, idwani, ya atkadin wadai, isnan lawag ai maid kisadtana. Amen.

Pachi. Lalaichinyu nan Apo.
Taku. Nan Ngatsan nan Apo ya malalaiad.

¶ Adwani enkantataku is SALMO. (Anapentaku nan SALMO isnan teken ai chöwa nanai ai Liblo.)

¶ Isnan malpasan nanai, nan Pachi ya atfasaena nan MANGONONA ai LESSON ai naala isnan Navfaiag ai Sulat.

NAN lengagko pangatowena nan Apo:
ya nan Espiritok enlalaiad isnan Chios ai Umisaiak.
Mokötai sia inilana: nan posi ai faana ai mamadkit.
Mokötai ilaim, milapo adwani: amin nan taku ai atfumala atkanancha ai mabendikak.
Mokötai sia ai makavfalin ya inpangatona saken: ya santo nan Ngatsana.
Ya sia ya sösögangana nan umigiet ken sia: isnan amin ai taku isnan katawetawen.
Impailana nan fikas isnan limana: inpausfokna nan agakötek ai chayuan isnan simmek isnan posocha.
Sia inpapanadna nan nangato isnan tokchoancha: ya inpangatona nan maid chayuna.
Sia ya pinangana nan naowat isnan kawis: ya inpakaana nan katsangyan ai naowat.
Sia ya sisömköna nan sögangana, ya finachangana nan faana ai Israel: kag isnan nangifag. na isnan ikittaku, Abraham ya isnan anakna isnan katawetawen.
Gloria isnan Ama, etc.

¶ Kecheng ai nan Pachi atfasaena nan MIKADWA ai LESSON ai naala isnan Falo ai Sulat.

NUNC DIMITTIS

APO, adwani yuyam nan faam ta umöiak is kakigkinek;
Kag isnan Kinwanim.
Mokötai nan matak inilana: nan umisalakam,
Ai insakanam: isnan sasakangen nan amin ai taku;
Ta Sia nan Insiliu ai mangipapawai isnan taku ai adadchawi: ya sia nan Gloria isnan takum ai Israel.
Gloria isnan Ama, etc.

SAKEN AVFOLOTEK isnan Chios, nan Ama ai mavfalina amin, Önlaka isnan chaia ya nan lota;

AVFOLOTEK akös isnan Jesu Kristo, ösösangankai
Anakna, ai Apotaku;
Ai kaeb nan Santo ai Espirito,
Inyanak nan Virhen Maria;
Pintögna isnan nenfinyadcholan nan Ponsio Pilato,
Ya naifakat isnan ka Kolus, ya natöi, ya nikaob;
Sia ya pinmanad isnan ka infierno:
Isan mikatlo ai akiu Sia finmala malpo isnan natöiana:
Sia ya linmamag is ka chaia,
Ya tomotokcho isnan awan ai liman nan Chios
nan Ama ai mavfalina amin:
Malposchi Sia atumali ai mamili isnan matataku ya nan natöi.

AVFOLOTEK nan Santo ai Espirito:
Nan Santa ai Iglesia Katolika;
Nan Pangafong ai mabtek nan Kasantosanto:
Nan Mangaan isnan fasol:
Nan Fumala ai awak;
Ya nan Lengag ai atadi matöi. Amen.

Pachi. Nan Apo ken chakayu.
Taku. Ya nan Espiritom.
Pachi. Mangapyataku, O Apo sumösögangka ken chakami.
Taku. Ya umisalak-ka ken chakami.
Pachi. O Apo isalakam nan Fatawa.
Taku. Ya sumögangka isnan mangölam ken chakami, mo kananmi Sika, O Apo.
Pachi. Pakawisem nan Pachini.
Taku. Ya palaiachim nan takum ai pinilim.
Pachi. O Apo isalakam nan takum.
Taku. Ya bendikaem nan tawidmo.
Pachi. Patkölim nan faluknit adwani, O Apo.
Taku. Mokötai Sika ankai, Apo, chadlusmo totokongan chakami.
Pachi. O Chios, papokawem nan posomi isnan chaömmi.
Taku. Ya adim kaanin nan Santo ai Espiritom ken chakami.

¶ Kecheng ai kanan nan Pachi nan Collect isnan Akiu, ya isnan anongusna nan Collect ya nan Kapya ai sumned.

O APO, ai ohamenlaka isnan amin ai santo ai laichin, isnnn amin ai kawis ai nimnim, ya isnan arnin ai usto ai inchunoan; Ichauchaumo isnan kafaafaam nan kakigkinek is kagkagawis nan adi mavfalin nan lawag ai ichauchau; ta nan posomi atcha avfoloten nan filinmo, atadikami chamaipaögiet isnan fosomi, atchakami umilleng ya kumigkinek; isnan lakunan Jesu Kristo ai Umisalak ken ohakami. Amen.

PAPAWAYIM isnan abafulinget ken chakami, lutlutanmi Sika, ai Apomi; ya chadluska sumösögang ya umisalakka ken chakami isnan kangaangaag is maschöm; isnan laid nan ködköcheng ai Anakmo, ai Umisalak ken chakami, ai Jesu Kristo. Amen.

¶ Isnan naai, makanta nan Kanta.

CHIOS, ai mavfalinmo amin, ai kwam nan fatawa ya nan fikas ai maid kisadtana; Sögangam nan kailiili; polongem nan poson nan kafaafaam nan Presidente id Melikä, nan Nangato ai Okom is nanaicha ai Islas, nan Kofinyachol isnan naai ai Provinsia, ya isnan Fontok, ta asup ya amocha ai chaicha nan faam, ta asup laplapona avfolotencha Sika; ta chakami ya nan amin ai Takum avfolotenmi chaicha, mokötai infilinmo; isnan Jesu Kristo ai Apomi, ai matataku ya enali ken Sika ya nan Santo ai Espirito, ösösang ai Chios, isnan la wag ai maid kisadtana. Amen.

O CHIOS, ai mavfalinmo amin, ai chamalpoan nan amin ai kawis ai maichauchau; Papanachem isnan Obispomi ya nan teken ai Kapachipachimi ya nan Taku ai iilaencha, nan kawis ai Espirito nan grasiam; ya ikkoiagmo, kag olmo, nan bendikam, ta palaiachinmi Sika. Ichauchuumo nanai, O Apo, isnan Umitakchig ken chakami, Jesu Kristo. Amen.

Nan Kapya iman Amin ai Ila ai Taku.

O CHIOS, ai chamönlaka ya chamigto nan amin ai taku, lutlutanmi Sika isnan amin ai ila ai taku; ta atipailam nan chamangnen ken chaicha, ya atipailam ai Sika nan Umisalakan isnan amin ai kailiili. Amamamod ai ikapyami isnan Santa ai Igleeiam isnan amin ai lawag; ta asup ya mafantaian ya mapolong isnan kawis ai Espiritom, ta nan amin nan mangwani ai Kalistianocha atmaipai.go isnan chalan ai titewa, ya avfolotencha nan avfolot isnan ösang ai espirito, ta asup ya maamongcha ya mabtekcha is kakigkinek, ya kumawischa isnan lengagcha. Kecheng ai, kawis ai Ama, ikapyami nan maipalikat isnan nimnimcha, isnan awakcha ya isnan kokwacha [is chachama adwani ikapyami nan makwani hen chakami;] ta sumögangka ai mamachang ken chaicha, kag isnan manapulancha ai masinösang; ta ikatpöcha nan pötkencha, ta asup ya agtam chaicha is kawis ai mankaian nan umat. Sia nanai lutlutanmi isnan lakun Jesu Kristo. Amen.

O CHIOS ai mavfalinmo amin, Ama ai ayaka nan sögangmo, chakami ai faam ilinawami isnan nimnimmi mokötai kawiska ya uyaanka ken chakami ya isnan amin ai taku; Bendikaenmi Sika mokötai kinaebmo chakami ya inigtom chakami, ya amin nan bendika isnan naai ai lawag; naimötachi nah amamamöd mokötai chadlusmo nilaiad chakami, ken Jesu Kristo ai kasin nenlaku isnan lawag: bendikaenmi Sika mokötai isnan Sakramento nan Grasia, ya nan Gloria ai sisimkenmi ai umali. Ya lutlutanmi ta ipasmekmo ken chakami nan sdgangmo, ta nan posomi ya enlinawacha, ya, ta kawisenmi Sika, faken ankai isnan topekmi, naimötachi isnan lengagmi, isnan menpavfaalanmi ken Sika, ya isnan katakuanmi isnan sasakangem is kawis isnan katawetawen; isnan Jesu Kristo ai Apomi, Sia, ken Sika ya nan Santo ai Espirito, wadai amin nan gloria, isnan iawag ai maid kisadtana. Amen.

CHIOS, ai mavfalinmo amin, ai nangichauchau ken chakami adwani isnan grasia ai maamongkami ai menlutlut ken Sika; Mokötai ikwanim ai ichauchaumo nan laichincha isnan tosacha ai maamong isnan Ngatsanmo, ulai twa paimo tolo yankai; Angnem adwani, O Apo, nan laichin ya ködchawen nan faam, kasf isnan kagkagawis ken chakami, ya ichauchaumo is nanai ai Iawag nan mangtökanmi isnan titewam, ya isnan Iawag ai uniali, nan lengag ai maid kisadtana. Amen.

2 Cor. xiii. 14.

NAN grasia nan Apomi ai Jesu Kristo, ya nan laiad nan Chios, ya nan mivfuikan nan Santo ai Espirito, ken chakami amin isnan katawetawen. Amen.

Project Canterbury