NATKONATKON AI KAPYA YA
MENYAMANAN
Various Prayers

KAPYA

Isnan Maamongan nan Convension

CHIOS ai mavfalinmo amin, ya maid kisadtam, Sika isnan Santo ai Espiritom, pinolongmo nan matotyaan nan mabendika ai Apostolismo, yakinwanim is Jesu Kristo ai Anakmo, ai atmikitötöö isnan Iglesiam isnan mankaian nan lawag: Lutlutanmi Sika, ta atmikitötööka isnan matotyaan nan Iglesiam, is nanai ai maamong isnan Ngatsanmo ya isnan sasakangem. Isalakkam chakami isnan amin ai masausauanmi, isnan maid kökönmi, isnau chayu ya isnan menkakamoanmi isnan nimnimmi: ya isnan chachama ai sögangmo, lutlutanmi Sika, tokongam, pasantoem, polongem chakami isnan chunomi, isnan fikas nan Santo ai Espiritom, ta asup nan kawis ai Evanhelion Kristo ya titewa ai maisolo, titewa ai machawat, titewa ai maonod, isnan amin ai kailiili, ta nan fatawa nan fasol, ya nan si Setan, ya nan Otöi ya atmafakas; enkanas auauni amin nan takum, ai kagcha kalnelo ai sinmolot ya atmaamongcha isnan ösangai kaamongan, ya atmatatakucha ai maid kankaiana, isnan lakuna ya nan ötoi nan si Jesu Kristo ai Umisalak ken chakami. Amen.

Isnan Maöösangan nan Taku nan Chios

O CHIOS ai Aman Jesu Kristo ai Apomi, nan ködköcheng ai Umisalak ken chakami, nan Ali nan Kakigkinek: Agtam chakami is grasia ai manömkanmi isnan ngaag ai nachöwachöwanmi. Kaanim amim nan mensosongtanmi ya nan adi kawis ai nimnimmi, ya kaanim nan mangipawa ken chakami isnan santo ai maösangan nan nimnimi. Tai wadai ösang ai Awak, ya ösang ai Espirito, ya ösang ai Chalat nan menkalian nan Chios ken chakami, ösang ai Chois ai Amami amin, siasa atmaösangkami isnan ösang ai poso, ya ösang ai lengag, atmaamongkami isnan ösang ai maamongan nan titewa ya nan kakigkinek, nan avfolot ya nan laiad, ya atmaösangkami isnan nimnim ya isnan topek ai mengloria ken Sika, isnan Jesu Kristo ai Apomi. Amen.

Isnan Amin ai Mission

O CHIOS ai kinaebmo isnan ösang ai chala nan amin ai kailiili, ai mentötööcha isnan ka lawag ya finaam nan mabendika ai Anakmo ai Sia nan magitcho nan kakigkinek isnan wadai isnan adachawi ya na wada isnan asasagön: Ichauchaumo isnan amin ai katakutaku ulaientuna ai anapencha ya ödchanancha Sika, Amongem amin nan katakutaku isnan kolalmo, ya iiamongmo nan adi mangafolot ken Sika. Ya kapyaenmi ken Sika ta kamowim ai mamuas isnan iiap nan pinilim, ya atinpangaliem nan fatawam; isnan siachadlu ai Jesu Kristo ai Apomi. Amen.

 

Isnan Maichan nan Kanen ya isnan Owat

O CHIOS Ama id Chaia, ai mangichauchau isnan menodchanan ya mamkasan nan nitanim isnan kalota; Ilaim, lutlutanmi Sika, nan likat nan takum: paadadchaem nan fökas nan lota isnan bendikaem id Chaia: ya ichauchaumo ta nan maichan nan kanenmi ai nenpalikat ken chakami adwani ya ensokat isnan adacha; isnan laiad Jesu Kristo ai Apomi, ai Sia, ken Sika ya nan Santo ai Espirito, wadai amin nan Gloria, adwani ya isnan katawetawen. Amen.

Isnan Akiu nan Faluknit ya nan Foka

O CHIOS, ai mavfalinmo amin, ai nangato ai Kofinyachol isnan amin, ai nan fikasmo maid makatongo, ai nenlivfeng ai manusa is usto nan aya, ka nan fasolcha, ya manösögang isnan tosacha ai menfafawi ai titewa: Lutlutanmi Sika, umisalakka ken chakami, isnan fosomi; pavfikaeem chakami isnan Umislakam, pakaanim amin nan kakaögiet ken chakami, ta mengloriakami ken Sika, ai Sika ankai nan mangipangafak ken chakami; isnan lakun nan Anakmo, Jesu Kristo ai Apomi. Amen.

CHIOS, ai mavfalinmo amin; ai chaka umagtan isnan amin ai kawis; ai mokötai Chioska ai maligiila, tinomkenka is nasönösönöd ai filin isnan Iglesiam, ichauchaumo nan grasiam, lutlutanmi Sika, isnan tosacha amin ai natkön ai kapachi pachi isnan igiesiam; ya ippoimo nan mewa i isolom ken chaicha, ya agtam chaicha is kawis ai awid, ta asup enpafaacha ken Sika is kawis, isnan Gloria nan nangato ai Ngatsanmo, ya nan enkawisan nan Santa ai Iglesiam; isnan Jesu Kristo ai Apomi. Amen.

Isnan Kawis ai Ani

CHIOS, ai mavfalinmo amin, ai binendikam nan lota, ta atmamonga ya atpavfalaena nan mavfaka isnan katatakuan nan taku, ya pinolongmo ken chakami nan inchunoanmi ai kakigkinek, ya mangankami isnan payowan ya nan uma, ya ichauchaumo nan kawis ai chakem, ya aalana nan chanum, ta nan nitanim ya atadacha nana fökasna ya chadlusmi ilinawa isnan kagkawaismo, isnan laiad nan Santo ai Ngatsanmo: isnan Jesu Kristo ai Apomi. Amen.

Isnan Manösömkantaku isnan Sakit ya nan Otöi

O CHIOS, ai nenakiu isnan maid kankaiana, ya nensögang isnan maid iiapna: Ipasmekmo ai kawis ken chakami, lutlutanmi Sika, nan kaastik ya nan adi kachidchinö isnan katatakuan nan taku; ya paliem nan Santo ai Espiritom ai mangipango ken chakami isnanai ai kasisikab ai lengag, isnan maigkawis isnan amin ai akiu nan lengagmi: Ta, mo mafuas nan enpavfalaanmi ken Sika isnan katatakuanmi, atmaamongkami isnan amama mi, ya atwadai saksi isnan kawisai nimnimmi: isnan Komunion nan Iglesia ai Katolika; ta atinchidchinokami isnan titewa ai Avfolot; ta atenlalaiadkami mokötai Sika nan Chiosrai, ya laichim chakami, ya umöikami ken Sika; isnan titewa ai laiad nan lawag. Amin ai ködchawenmi isnan Jesu Kristo ai Apomi. Amen.

O AMAN si sögang ya Chios si liwliwa, ai Sika yankai nan Fachang isnan mönfaganmi: Entamawka id Chaia, lutlutanmi Sika, ilaim ya fachangam nan faam ai masakit, ai sia nan ikapyami. Sögangam sia isnan mangilan nan matam; palaiachim sia isnan pangpasömkam isnan kagkawismo; isalakam sia mo sailowen nan ngaag ai Espirito; agtam sia isnan mangikatpölana isnan likatna; ya isnan olas, ai laichiin ai kawis, pavfikasem nan awakna, fachangam sia ai enfaam isnan amin ai matatakuana. Paimo, ulai wadai sakitna agtam sia is grasia ai matoi ai chaenlaiad ken Sika, ya mikitötöö ken Sika isnan lengag ai maid kisadtana, isnan Jesu Kristo ai Apomi. Amen.

O CHIOS ai maid kankaiam, ai mangifitlag isnan Chaia ya nan lifoo, ya polongem nan kabongau ai ulai chadchakö, isnan taiak: Kapyaenmi Sika ai umisalakka, isnan fikasmo, nan faam ai chadlusmi sösömkön adwani. Fantaiam sia, lututanmi Sika, isnan kakaögiet isnan taiak, isnan sakit is nan manganukan nan foso, ya isnan amin ai ngaag ai misagen ken sia. Padanem sia isnan laichina ai chumakalan, ya menyamanem sia isnan sögangmo; isnan Jesu Kristo ai Apomi. Amen.

Isnan Taku ai Menlikat

O CHIOS, ai ayaka nan sögangmo, ai Ama id Chaia, ai mangicho ken chakami isnan Santo ai Köwauim, ta adim laichin ai palikaten paimo mensösögangen nan taku: Sögangam isnan mangilam, lutlutanmi Sika, isnan faam ai chaönsögang, ai aia nan mönfagan nan kapyami. Isnan mangamoam ai sia nan kawis, inyaim nan mensikafana. Sisömköm sia, O Apo, isnan sögangmo; ingilinmo nan chusam, ai kag Ama, ken sia; agtam nan lengagna isnan menpötkana isnan mensikafana, ya ichaucliaumo nan menlaichana isnan laichim; liwliwem sia ai sömköna nan kagkawismo: ipailäm nan kamösmo ken sia, ya pakinköm sia, isnan Jesu Kristo ai Apomi. Amen.

Isnan Mafalud, isnan anongus nan Malokoman

O CHIOS, ai chachama nan uyam ya sögangmo, lutlutanmi Sika ta sögangam nantosacha ai taku, ai nalokomcha, isnan lötög, ai matöi. Sögangam ya isalakam chaicha, ippaamom ya ipasmekmo ken chaicha nan fasolcha ya nan ngaag ai inangnencha; ta uan fikas nan grasiam mensösögangena chaicha, ya chadlusna infafawien chaicha ta abup ya pakawanem chaicha. Ichuam ken chaicha nan abafikas ya matataku ai avfolotcha isnan Anakmo, nan mabendika ai Umisalak ken chakami, ta atmisalakan nan lengagcha. O Apo, sisömköm nan sögangmo isnan menlokomam. ya ulai n gag ai pötkencha ai ikatpöcha isnanai ai lawag, O Chios isalakam chaicha, isnan chachama ai pötög ai katöian ai maid kankaiana. Pakawanem nan fasolcha, ya isalakam nan lengagcha, isnan lakun nan malaiad ai Anakmo, nan mabendika ai Umisalak ya Nanfut ken chakami. Amen.

Isnan Taku ai Maamong is nanai ai Sinfaan

O CHIOS, ai Santo ai Espirito, ai menpasanto isnan Kristiano, umalika, lutlutanmi Sika, ai mangila is nanai ai maamong ai taku, isnan laiadmo. Papawayim nan nimnimcha kasikasin isnan siliu nan Evanhelio ai maid kankaiana; Ippöimo isnan posocha isnan laiad nan titewa; paadadchaöm ken chaicha nan titewa ai avfolot; talaunem chaicha isnan amin ai kawis; ya, isnan chachama ai sögangmo, fotonam chaicha isnan siachadlu, O Espirito ai mabendika, aiSika nan mivfufuikan isnan Ama ya nan Anak ai maamong, enlalaiadkami ya engloriakami ösösang ai Chios, isnan lawag ai maid kisadtana. Amen.

Mo wadai matöi isnan Kristiano

O CHIOS, ai mavfalinmo amin, ai Sika nan mikitatakuan nan lengag naiitosacha ai nenkatöi isnan Apo, ya mikilalaiadcha ken Sika nan lengag nan Kristiano isan anongus nan makaanan nan adachamöt ai awak: Enlinawakami ken Sika is chachama isnan inpailan nantosacha ai amin ai kafaafaam, ai finuascha nan chinnocha isnan avfolot ya chacha umilleng adwani. Ya lutlutanmi Sika, ta chakami ya amin nan inmbi isman titewa ai avlolot nan Santo ai Ngatsanmo, atwadai titewa ai laiadcha isnan awak yanan lengag, isnan gloriam ai maid kisadtana; isnan Jesu Kristo ai Apomi. Amen.

NAN MENYAMANAN

Nan Fafai isnan anongus nan umanakana

O CHIOS, ai mavfalinmo amin, menyamankami ken Sika, mokötai kawis nan inangnem isnanai ai fafai, ai faam, isnan chachama ai pintögna ya kakaögiet isnan inmanakana. Sia ya laiehina adwani ai menayman ken Sika. Ichauchaumo, lutlutanmi Sika, ai Ama ai chachama nan sogangmo, ta sia, isnan fachangmo, atmataku ai angnena ai kag isnan laichim, is nanai ai matatakuana, ya mikichatag isnan gloria, ai maid kankaiana, isnan anongus nanai ai matatakuan; isnan Jesu Kristo ai Apomi. Amen.

Project Canterbury